Media in Cooperation and Transition
Brunnenstraße 9, 10119 Berlin, Germany
mict-international.org

Our other projects:
afghanistan-today.org
theniles.org
correspondents.org
English
தமிழ்
දුක සැප දෙකේදී ම පවුල හා බැඳෙන

ඉලත්තට්ටුව

හෙළයන් ගේ සියලු මංගල අවස්ථාවලදී බුලතට හිමිවන්නේ සුවිශේෂී ස්ථානයකි. පිළිගැනීම, ළෙන්ගතුකම පළ කිරීම, හිතවත්කම් ඇතිකර ගැනීම ආදී අවස්ථා මෙන්ම තොරතුරු සන්නිවේදනයේදී ද බුලත් විශේෂ කාර්යක් ඉටුකරයි. බුලත් කී සැණින් අපේ මතකයට එනේ ඉලත්තට්ටුවයි. පිළිගැන්වීම පිණිස බුලත් තැන්පත් කර තැබීම සදහා යොදාගන්නා ඉලත්තට්ටුව පවුල හා බැඳි විශේෂ මෙවලමකි.

19.11.2018
තනිහිතක පන්නරයෙන් නැඟී සිටි

දිරියවන්තිය නිශා

නිශා සරීෆ් ඉණෙන් පහළ අප්‍රාණික හා එහෙයින්ම අනාගතයේ සමාජ අනුකම්පාව මත දිවිගෙවිය යුතු යැයි සමාජ තීන්දුවට ලක්වූ දැරියකි. උපන්ගෙයි ආබාධිත තැනැත්තියක වූ නිශා සිය ආබාධිත බව හේතුවෙන් සිදු කෙරුණු නොසලකා හැරීම් හා පිළිකුල් කිරීම හමුවේ පන්නරය ලැබූ තවත් දිරිය දියණියකි.

15.11.2018
පස මිතුරු කඳවුරු දෙකක් යා කළ

සංහිඳියාවේ පෙම් පුවතක්

 දශකයකට පෙර මේ යුවළ එකිනෙකාට වෛර  කළ දෙදෙනෙකි. වසර කීපයකට පසු යුද්ධයේ නිමාවත් සමඟ ඔවුහු පෙම්වතුන්  බවට පත්වූහ. ඉනික්බිති සිවිල් ආරක්ෂක භටයා සහ හිටපු එල්ටීටීඊ සෙබළිය රන් හුයෙන් බැඳිණි. දැන් ඔවුහු එක් පෙරමුණක සිට දිවි සටනේ නියැළෙති.

08.11.2018
වාර්ගික රේඛාවෙන් නොබෙදුණු

ටොරින්ටන් වෙළෙඳුන්ගේ මනුස්සකම

වාර්ගිකත්වය නමැති බෙදුම් රේඛාවෙන් දෙපළු කළ නොහැකි ඔවුන්ගේ ස්නේහවන්ත මිත්‍රත්වය දිදුළයි. ඒ මහනුවර ටොරින්ටන් ෂොපිං කම්ප්ලෙක්ස් නමැති චතුරස්‍රාකාර බසාරයයි. මේ බසාරයේ අලෙවිකරන්නේ රෙදිපිළි, විසිතුරුබඩු, සුවඳවිලවුන්, අත්කම් ආදියයි. ඒවා සාපේක්ෂව ලාබ බඩු ය. එහෙත් එහි සිටින වෙළෙඳුන්ගේ හදවත්  මනුස්සකම නිසා බොහෝ බරැති ය.

06.11.2018
වර්ගවාදයෙන් බර නොවුණු

වර්ණ රැසක ආදර කතාවක්

ජිවන ගමනේ විරාමය ලබන තෙක් ඇය ඔහු හා එකසිතින් විසුවාය. රටේ නන් දෙස රාජකාරි කළ ඔහු  කඳුකර ඇල්ලට අඹුදරුවන් සමග පැමිණ දශක දෙකකට වැඩි වී ය. හින්දු භක්තික ඇය පන්සලේද සමීප දායිකාවක වුවාය. ඔවුන්ගේ ආදරය  83 කළු ජූලියේ අමිහිරි මතකය පසුකර තිබුණේ උපද්‍රවයකින් තොරව ය. ඉනික්බිති රට වෙලා ගත් දරුණු යුද්ධයක් පසුකරමින් තිබුණේද නිසංසලේ ය. ඒ ඔවුන් ගේ අාදරය වර්ණ රැසක එකතුවකින් පොහොසත් එකක් බවට පත් ව තිබීම හේතුවෙනි.

02.11.2018
ජාති, ආගම් භේද බාධාවක් නොවුණු

ගුරු – ගෝල සබඳතාව

පිරිවෙනේ පන්ති කාමරයක් තුළින් දෙමළ භාෂාවෙන් ගාථා සජ්ජායනය කරනු ඇසේ. සාමනේරයන් වහන්සේලා දෙමළ භාෂාවෙන් ධර්ම කරුණු විග්‍රහ කරමින් අදහස් පළ කරන්නේ උන්වහන්සේලාගේ මව් බස දෙමළ යැයි හැඟෙන තරම් අපූරුවටය. උන් වහන්සේලාගේ දෙමළ භාෂා උපදේශකවරිය වූයේ කතෝලික ආගම් කාරියක වූ පනස් හතරවියැති ජාතියෙන් දෙමළ වූ විමලා ජෝෂප් ය. වැනි වියේ ය. භික්ෂූන් වහන්සේ හා ඇය අතර පවත්නා ගුරු ගෝල සබඳතාවට ජාති, ආගම් කිසිත් බාදාවක් නොවන බව පන්ති කාමරය තුළ පැහැදිලිව දක්නට ලැබිණි.

30.10.2018
සෙනසුරු දෙවි පිහිට ලද

සදාකාලික බැඳීමක්

සෙනසුරුට ජාතිභේද, කුල – මල ආගම් භේද නැත. කරුණාදාස පවුලටත් ඒ ධර්මතාව පොදුය. කරුණාදාසට දාව පාක්‍යම්ට ලැබුණු දියණියත් ඇතුළුව කරුණාදාස පවුලේ දරුවන් තිදෙනාම විවාහ වී ඇත්තේ, දෙමළ අය සමඟිනි.

27.10.2018
වියරු ගිනි නිවා දමන්නට හැමූ

සංහිඳියාවේ සුළං රැලි

ජාතික හා ආගමික සංහිඳියාව වචනවලින් ඔබ්බට ගිය ක්‍රියාවක් වන්නේ ඒ සඳහා වන සියලු ජන කණ්ඩායම්වල කැපවීම හමුවේ ය. ජාතික හා ආගමික සංහිඳියාව ඔප් නැංවුණු එවන් අපූරු සිදුවීම් දෙකක් මහනුවරදී අප නෙත් ගැටුණේ මෙවැනි පසුබිමක් හමුවේ ය. ඊට මූලිකත්වය ගත්තේ ෆස්රූල් රහුමාන් මහනුවර ප්‍රධාන මවුලවී තුමන් ඇතුළු මුස්ලිම් ව්‍යාපාරික ප්‍රජාව හා සමිති සමාගම්වල සාමාජිකයන් ය.

16.10.2018
උතුරේත් දකුණේත් දෙපිරිසම විඳින්නේ

අයිතිවාසිකම් අහිමිවීමේ වේදනාවයි

යුද්ධයෙන් ආබාධිත වු දෙමළ කතුනට වැඩි අවාධානයක් ලබාදී ඔවුන්ගේ ජීවිත සුරක්‍ෂිත කළ යුතු යැයි ඉල්ලා සිටින ඇය, 59 වියැති ආබාධිත සිංහල කාන්තාවකි. තම ආබාධිත තත්ත්වය පසෙක ලා තමන් මෙන්ම ආබාධිත ව සිටින ශ‍්‍රී ලාංකීක කාන්තාවන් වෙනුවෙන් සේවය කිරීමෙහි ලා, ”ආබාධ සහිත කාන්තාවන්ගේ සංගමය” පිහිටුවා ගෙන එහි සභාපතිනිය ලෙස සේවය කරන ඇය, නාරායනගෙදර කමලාවතී ය.

08.10.2018
දෙමළෙන් කතාකරන - සිංහලෙන් උත්තර දෙන

සංහිඳියා ගම නීරාවිය

තුණ්ඩු ඇදීමෙන් තෝරාගත් ජනයාට ඉඩකඩම් පවරා දුන්, වර්තමානයේදීත් අරගල ගැටුම්වලින් තොරව දිවි ගෙවන මිශ්‍ර ජනාවාසයක් වන නීරාවිය අනුරාධපුර ශුද්ධභූමියට යාබදව පවතින ජාතීන් අතර සංහිඳියාව මනාව පෙන්නුම් කරන්නකි.

02.10.2018
කසළ තුළ ජීවිතය සොයා ගිය

මරණයට අභියෝග කළ ජූඩි

ජීවිතය හා මරණය දෙකෙළවර පිහිටි සරල රේඛාවේ මරණයේ අන්තයට අත පොවන දුරක් ඇදී ගිය ඇය ආපසු හැරී ආවේ ඇය සතු අප්‍රතිහත ධෛර්ය නිසාම ය. මරණය පෙනී පෙනී සිට ජීවිතය ලත් ජූඩි අද රටටම ප්‍රශ්නයක්ව තිබෙන කසළවලින් නව නිර්මාණ සිදු කරන්නේ සියලු ජාතීන්ට ම අයත් වූවනට තම ශිල්පීය දැනුම ද ප්‍රදානය කරමිනි.

24.09.2018
ජයලත් හා කෙනඩි කියන

කළු ජූලියේ අතුරු කතාවක්

සාමයේ පණිවිඩය රැගෙන ගමින් ගමට ගොස්, තම අත්දැකිම් හරහා සංහිඳියාවේ පණිවිඩය ” අහන්න ” සමඟ කියාපාන ජයලත් බණ්ඩාර, සංහිඳියා යාන්ත්‍රණය සඳහා වූ “ජන පවුර” සංවිධානයේ සභාපති වරයා ය. ඔහු, කියා පාන්නේ සංහිඳියාව පවතින්නේ විශ්වාසය මත මිස නීති නියාම ධර්ම සමඟ නොවන බව ය.

17.09.2018
සහෝදර භාෂා දෙකේ සංහිඳියාව සොයන

ගුරු පිය මුණසිංහ

මිනිසුන් එකිනෙකාට සැක කරවන හැම දේකටම මුළ සංවාදය නොදන්නාකම යැයි මුණසිංහ අවබෝධ කරගත්තේ ය. එදා පටන් ඔහු වෙන්වූ සහෝදර භාෂා දෙකේ සංහිඳියාව ගැන කෙටිකතා ලිව්වේ ය. පාසල් ළමයින් හා කෙටි චිතුපට හැදුවේ ය. මේ නිර්මාණ හරහා සංහිඳියාව ගැන මහා පාඩමක් කියා දෙන්නට ඔහු උත්සාහ දරන්නේය.

11.09.2018
සිංහල - දෙමළ වෙළෙඳ දෙබෑයන්ගේ

තල් අරණේ සංහිඳියාව

යාපනය බොහෝ දෙනා දන්නේ සම්පූර්ණයෙන්ම ද්‍රවිඩ ජාතික ව්‍යාපාරිකයන්ට පමණක් සීමාවූ නගරයක් ලෙසටය. බහුතරයක් ද්‍රවිඩ ජාතික ව්‍යාපාරිකයන් ජීවත්වන යාපනය නගරය තුළ ගහට පොත්තමෙන් බැඳුණු සිංහල හා ද්‍රවිඩ ජාතික ව්‍යාපාරිකයන් ද සිටීම ආඩම්බර විය යුතු කරුණකි.

03.09.2018
කසළින් පිරි නුවරකට නැතිව ම බැරි

නිකසළ චරිත දෙකක්

උසස් පෙළ විභාගයෙන් ඉහළින් සමත් ව ලද සරසවි වරම අත පොවන මානයේ තිබිය දී ඔහු වැඩි දුර ඉගෙනුම පිණිස තෝරා ගත්තේ ජීවන සරසවියයි. වැලිගම තුෂාර උදය කුමාර අද වන විට ඉන් ලබා ඇති දැනුම් සම්භාරය ඉමහත් ය. මෙහි දිග හැරෙන්නේ ඉන් බිඳක් පමණකි.

29.08.2018
සිංහල වුණත්, දෙමළ වුණත්

කාගෙ දරුවත් එකයි

”සිංහල ලේත් එකයි, දෙමළ ලේත් එකයි. දරුවො නම් සිංහල වුණත්, දෙමළ වුණත් එකයි. ජාති බේදවලින් වැඩක් නෑ. මේ දෙන්නා අවුරුදු හයක් තිස්සේ කාලයක ඉඳල ජීවත්වුණේ එක බඩ වැල කඩා ගෙන ආ දරුවෝ දෙන්නෙක් වගේ. මේ දෙන්නගෙ අවසාන කටයුතුත් එක තැනක ම කරන්න මං කටයුතු කරනවා‘ යි විශ්ව ජාතියට අයත් ඒ පියා සිය තීරණය තහවුරු කළේ ය.

29.08.2018