දයා නෙත්තසිංහ

පාසල් අවධියේ සිට ම විකල්ප ධාරාවේ පුවත්පත් වෙනුවෙන් ප‍්‍රාදේශීය වාර්තා, විශේෂාංග හා කාව්‍ය නිර්මාණකරණයෙන් දායක වූ දයා නෙත්තසිංහ, 2001 වසරේ දී ‘ලංකා’ පුවත්පතේ ප‍්‍රාදේශීය මාධ්‍යවේදියකු ලෙස සේවයට එක් විය. 2010 වසරේ සිට 2013 වසර දක්වා එහි කර්තෘ මාණ්ඩලිකයකු ලෙස කටයුතු කළේ ය.

2015 වසරේදී ‘සත්හඬ’ සතිඅන්ත පුවත්පතේ සේවයට එක් වූ ඔහු, මේ දක්වා එහි කර්තෘ මාණ්ඩලිකයකු ලෙස කටයුතු කරයි.

කර්තෘ සංසදය හා ශ‍්‍රී ලංකා පුවත්පත් ආයතනය මෙහෙයවන ජනමාධ්‍ය විශිෂ්ටතා සම්මාන උලෙළේ විශේෂ අවස්ථා වාර්තාකරණයේ සුවිශේෂි වාර්තාකරණය වෙනුවෙන් වූ මහාචාර්ය කේ. කයිලාසපති සම්මානය 2003 වසරේදී දිනා ගැනීමටද ඔහු සමත් විය.

2013 වසරේදී, එම සම්මාන උලෙළේ ම හොඳම සමාජ ප‍්‍රශ්න වාර්තාකරණය (සිංහල) සඳහා වන සුබ‍්‍රමනියම් චෙට්ටියාර් සම්මානයත්, හොඳම ගවේෂණාත්මක වාර්තාකරණය වෙනුවෙන් වූ උපාලි විජේවර්ධන සම්මානයත් යන සම්මාන දෙක ම දිනා ගැනීමට දයාට හැකි විය.

චිත‍්‍ර ශිල්පියකු ලෙසත්, ඡායාරූප ශිල්පියකු ලෙසත් දස්කම් දක්වන දයා, නාට්‍ය හා රංග කලා කුසලතා වෙනුවෙන්ද සම්මාන ලැබූවෙකි.

[email protected]